Ата-аналар чатының 10 ережесі

Жаңа оқу жылы басталған бетте байыпты өмірге үйреніп қалған ата-аналарда үй тапсырмаларын орындау, мектептегі түскі ас, «баланы мектепке, балабақшаға, ерте даму орталығына кім апарады?» деген сауал және... ата-аналар чатына қатысты жүйке тоздырар мәселелер туындайды. Цифрлік әдеп бұл ретте өте қатаң болуы тиіс.

1. Никнейм немесе смайлдардың орнына өзіңіздің шынайы есіміңізді жазыңыз.

Чатқа қосылған бетте бірінші кезекте статустың баптауына кіріп, никнеймнің орнына өзіңіздің шынайы есіміңізді жазу керек. Өзіңізді таныстырып өтсеңіз тіпті нұр үстіне нұр болар еді. Мысалы, «Мен Мадинамын, Абаев Ілиястың анасымын» деп жасзаңыз болады.
Егер чаттың әр мүшесінде никтің орнына нағыз есімі болса, танысу және тіл табысу анағұрлым жеңіл болады.

Чаттың басқа да мүшелеріне осылай жасауды ұсынған жөн. Сол кезде ортақ хат алмасуда @ белгісін және жауап жазғыңыз келген әңгімелесушіңізге еш қиындықсыз хат жазуға болады.
2. Чаттың әкімшісін таңдаңыздар
Ортақ чатта бұл міндетті әдетте мұғалімнің өзі атқарады. Алайда ата-аналар чатында «басшы» болмайды, сондықтан бұл функцияны өз мойнына ең белсенді, жауапты және жанашыр, не болмаса бос уақыты бар және ниет білдірген ата-ана алады.

3. Чаттың ережесін жазып өту қажет

Ол ережелерді ата-аналар жиналысында айтып өткен дұрыс. Бұл ретте чаттың «белсенді сағаттарын», чатта талқыланатын мәселелерге қатысы жоқ ақпарат жолдамауды, сонымен қатар өзара сөзге келісіп, дөрекілік танытудан аулақ болуды өтіну керек. Егер бұл ережелерді бұзатындар болса, ескертпе жасалатынын, ал жиі ереже бұзатындар, өкінішке орай, белгілі-бір уақытқа чаттан шығарылатынын айтып өткен абзал.

4. Белгілі бір уақытқа дыбыссыз режим қосыңыз

Чатта жазуға тыйым салынатын және мұғалімге сұрақ қоюға болмайтын уақытты белгілеңіздер. Алайда іс жүзінде бұл ережені екінің бірі ұстана бермейді. Тіпті болмай бара жатса жекеге шығып, сұрақтарыңызға жауап алуға болады. Бұл ретте ыңғайсыз уақытта ұжымдық хат алмасуға жол бермеуге мүмкіндік туады.

5. Спам жібермеңіздер

Ата-аналар чаты – үй жануарларын, құймақтың рецептін талқылауға немесе құттықтаулар мен күлкілі әңгімелер жолдайтын орын емес.


Ортақ чатта шынымен де өте маңызды мәселелерді талқылауға арналған платформа ретінде қараңыздар. Онда тек жуырда болатын бақылау жұмыстарының уақыты немесе алдағы күндері ұйымдастырылатын экскурсияның құнын жазуға болады.

6. Халықты қорқытпаңыздар

Жол апаттары туралы видео, маньяктар жайлы хабарламалар, түрмеден қашып кеткен қылмыскер, уланған ойыншықтар... Көбінесе бұл ақпараттар жалған болып табылады. Кезекті үрей тудырар хабарламаны жолдамас бұрын ол туралы ресми органдар секілді ақпарат көздерінде не айтылғанын, беделді басылымдарда қандай мәлімет берілгенін оқып, тексеріп алған жөн. Егер шынымен де нақты қауіп туындаса, ол туралы хабарлаған дұрыс. Бірақ дүрбелең тудыратын негізсіз себептерді таратпау керек.

7. Достық қарым-қатынас құрайық

Қанша ата-ана болса, сонша пікір болатыны анық. Олардың арасында біреуді біреумен шағыстыруды ұнататындар да, есірік мінезді адамдар да, тіпті жай ғана тәрбиесіздер де болады. Олардың чатта ұрыс-керіс шығаруға уақыты жеткілікті болады. Жанжалға итермелеп тұрған жағдай туындаған кезде ең тиімді тәсіл – үндемеу. Қазақтар «Үндемеген үйдей пәледен құтылады» деп бекер айтпаған. Көпшіліктің алдында жанжал шығарып, ұрысу – проблеманы шешудің дұрыс жолы деп айтуға болмайды.

Күрделі мәселелерді шешу барысында байыпты болу өте маңызды. Себебі көптеген ата-аналар баласы үшін үлгі болады да, келешекте бұл шиеленіс балалар арасында да пайда болуы мүмкін. Чат проблемаларды туындату үшін емес, оларды шешу үшін құрылғанын естен шығармаңыздар.

8. Дыбыстық хабарламалар жібермеңіздер

Дыбыстық хабарламалар — жолдама жіберуші үшін ыңғайлы болуы мүмкін, алайда ол хабарламаларды тыңдау үшін құлаққапты қосу немесе жаныңызда ешкім болмауын күту қажет. Одан да мәселенің тоқетерін қысқаша және қатесіз жазып жіберген дұрыс. Ол қандай да бір түсініспеушіліктің болмауына мүмкіндік береді.

9. Айтатын сөздеріңізге назар аударыңыз

Бұл жерде өмірдегідей әдеп принциптерін басшылыққа алған жөн. Сұрағыңызға жауап бергенде, ол үшін алғыс білдіруді ұмытпаңыздар. Мәтін сіздің интонацияңызды сездіре алмайтынын ұмытпаңыз, сондықтан түсініспеушілік туындамас үшін сөйлем құруда және сөз саптауда абай болыңыз
10. Өз әлеуметтік желіңізді қадағалаңыз
Мұғалімсіз бе, тәрбиешісіз бе, ата-анасыз ба – қандй жағдай болмасын бір-біріңізбен виртуалды қарым-қатынас құру әлемінде өзіндік ерекшеліктер бар, жәнеде оларды елемей, неқұрайлы қарауға болмайды. Әлеуметтік желіде хат алмасуларыңызды жарияламаңыз, чат мүшелерінің көңіліне қаяу келтіруі мүмкін жазбалардан бас тартқан жөн. Кез келген қарым-қатынаста ең бастысы – әрбір коммуникацияда жақсы нәтиже көрсететін өзара сыйластық, әдептілік пен дұрыс ой. Сайып келгенде мұнда жай ғана ата-аналар чаты жайлы әңгіме қозғалуда. Ең маңызды мәселелер болса да осы жерде талқыланбайтыны анық.
ЖАСАУШЫЛАР
ӘЛЕУМЕТТІК ЖЕЛІ
online@daryndybala.kz
Whatsapp +77780171494

ХАБАРЛАСЫҢЫЗ
Нур-Султан, ЖК Holland, Әбубәкір Тыныбаев улица, 7
Караганда, ул. Луговая, 156-2
Караганда, Оазис микрорайон, 7
Караганда, 19-й микрорайон, 45Б
Караганда, Рахимова, 156
Караганда, Муканова, 3/2
КЕЛІҢІЗ